УМУМТАЪЛИМ МАКТАБЛАРИНИНГ 9-СИНФ БИТИРУВЧИЛАРИ ВА УЛАРНИНГ ОТА - ОНАЛАРИ ДИҚҚАТИГА!
Ҳурматли 9-синф битирувчилари ва уларнинг ота-оналари диққатига!!!
Ўзбекистон Республикаси Вазирлар Маҳкамасининг 2018 йил 23 мартдаги 212-сонли “Академик лицейларга умумий ўрта таълим мактаблари ўқувчиларини танлаб олиш, ўқишга қабул қилиш, уларнинг ўқишини кўчириш ва ўқишдан четлатиш тартиби тўғрисида” ги Низомга мувофиқ академик лицейларда саралаш имтиҳонлари ҳар йили 10 июлдан 25 июлга қадар ўтказилиши белгиланган. Махсус комиссия қарорига мувофиқ республикада карантин талабларини кучайтирилиши муносабати билан академик лицейларда саралаш имтиҳонлари номаълум муддатларга қолдирилганлигини МАЪЛУМ ҚИЛАМИЗ!
СамДЧТИ академик лицейига 9-синф битирувчилари ҳужжат топширишнинг охирги муддати 30.06.2020 куни соат 18:00 да тугайди. Ҳужжат топширишга улгурмаганлар шу муддатгача топширишларини сўраймиз.
УМУМТАЪЛИМ МАКТАБЛАРИНИНГ 9-СИНФ ЎҚУВЧИЛАРИ УЧУН АЖОЙИБ ИМКОНИЯТ!
Самарқанд давлат чет тиллар институти академик лицейи 2020-2021 ўқув йили учун умумтаълим мактабларининг 9-синф иқтидорли битирувчиларини танлов асосида қуйидаги йўналишлар бўйича ўқишга қабул қилинади:
- 1) Хорижий тиллар ўзбек гурухи (инглиз, немис, француз тиллари);
- 2) Хорижий тиллар рус гурухи (инглиз тили);
- 3) Шарқ тиллари (корейс, япон, хитой, араб тиллари);
- 4) Ижтимоий-гуманитар фанлар;
- 5) Аниқ фанлар (иқтисод)
- 6) Аниқ фанлар (техника)
СамДЧТИ академик лицейи жорий йилнинг 11 майидан 10 июнига қадар умумий ўрта таълим мактабларининг битирувчи иқтидорли 9-синф ўқувчилари учун йўналишлар бўйича чуқурлаштириб ўқитиладиган фанлар хорижий (ўқувчининг хохишига кўра инглиз, немис, француз) тиллар, рус тили ва адабиёт, она тили ва адабиёт, тарих, математика, физика фанларидан академик лицейга ўқувчилар қабули учун дастлабки масофавий тест синовини ўтказади.
Юқоридаги билдирилган таълим йўналишларига ўқишга топшириш истаги бўлган 9-синф битирувчилари аниқ фанлар (техника) йўналишидан ташқари барча йўналишларда тест саволларини ўзлари хохлаган хорижий тил ёки умумтаълим мактабида ўқиган хорижий (инглиз, немис, француз) тилда топширишлари мумкин.
Ўқувчи дастлабки масофавий тест синовини топширишга киришишдан аввал тест топшириш йўриқномаси билан танишиши ҳамда танлаган йўналиши таркибидаги чуқурлаштирилган фанларга қизиқиши ва иқтидорини ҳисобга олишлари тавсия этилади.
Ўқувчи тест топширишидан аввал дастурда сўралаётган маълумотларни аниқ ва тўлиқ киритилишига шунингдек телефон рақами киритилаётганда имкон қадар телеграми мавжуд рақамни киритилиши сўралади.
Танловнинг дастлабки босқичи жорий йилнинг 11 майдан 10 июнига қадар онлайн шаклда www.samdchti-al.uz интернет сайти ва @samdchtial_test телеграм каналимиз орқали бўлиб ўтади. Дастлабки танловдан (60 балдан юқори тўплаганлар) муваффақиятли ўтган ўқувчиларга махсус сертефикат телеграм ёки электрон почтасига юборилади. Сертефикат олган ўқувчилар 20 июндан 30 июнгача онлайн шаклда @davlatbek ёки @Abdullayev_Utkir телеграм манзилларига хужжатларини (ххх.pdf шаклда ёки xxx.jpg расм кўринишида) юборилиши сўралади.
Ўтказилган дастлабки тест синов натижалари 11 июн куни лицейнинг www.samdchti-al.uz сайти орқали эълон қилинади.
Саралаш имтихонлари ўтказиш вақти жорий йилнинг 10 июлидан 25 июлигача ўтказилиши режалаштирилган бўлиб, аниқ вақт қўшимча равишда маълум қилинади.
Академик лицейда махсус сертефикатга эга бўлган Республикамиз ва хорижлик юқори малакали ўқитувчилар дарс машғулотларини ҳалқаро стандартлар асосида олиб боришади. Бундан ташқари ўқувчиларимиз CEFR, IELTS, FIT IN DEUTSCH ҳалқаро сертефикатлрга ҳам эга бўлишмоқда. Шарқ тиллари бўйича ўқишни тамомлаганлар хорижий тиллар бўйича ижодий имтиҳон тошириш имтиёзига эга бўладилар.
Иқтидорли ўқувчилар учун “РЕКТОР СТИПЕНДИЯСИ” жорий этилган.
Узоқ тумандан келган ўқувчилар ётоқхона ҳамда 3 махал имтиёзли овқат билан таъминланади.
Ўқиш муддати 2 йил.
Қўшимча маълумотларни «samdchti-al.uz» сайтидан олишингиз мумкин.
Манзил: Самарқанд шаҳри, Алишер Навоий кўчаси, 57-уй. Мўлжал: Университет хиёбони (булвар), СамДУ физика факультети орқа томони, “Савдогар банк” ёнида жойлашган. Телефонлар: +998905031725, +998911879441, +998933557573, +998662331154