Samarqand davlat chet tillar instituti akademik litseyi O’zbekiston Respublikasi Vazirlar mahkamasining 2003-yil 29-oktabrdagi 473-sonli qarori asosida Samarqand davlat universiteti qoshidagi 2-son akademik litseyi nomi bilan 2004-yilda tashkil etilgan.

Samarqand davlat chet tillar instituti akademik litseyi O’zbekiston Respublikasi Prezidentining 2017-yil 26-sentabrdagi akademik litseylarni “Oliy ta’lim muassasalariga kirish uchun nomzodlarni maqsadli tayyorlash tizimini yanada takomillashtirish to’g’risida”gi PQ-3290-sonli qarori asosida Samarqand davlat chet tillar instituti akademik litseyi nomiga o‘zgartirilib Samarqand davlat chet tillar instituti tasarrufiga o’tkazilgan.

Akademik litseyda 4 ta kafedra mavjud. O’quchilar soni 684 nafar, ta’lim yo’nalishlari 2 ta, mutaxasisliklar 7 ta, o’quv binosi 3ta, ovqatlanish xonasi 1ta, o’qitiladigan xorijiy tillar 7ta, til va madaniyat markazi 2ta. Jami 17 nafar chet tili o’qituvchilarninig 8tasida (47%) chet tilini bilish darajasini belgilovchi sertifikat mavjud.

Malakali kadrlarni tayyorlash:

2016-2017 o’quv yilida akademik litseyda 6 ta ta’lim yo’nalishi hamda 4 ta      mutaxassislik bo’yicha kadrlar tayyorlangan bo’lsa, 2020-2021 o’quv yilida ta’lim yo’nalishlari soni 7 tani tashkil etmoqda, ya’ni 7 ta til o’qitiladi.

2019-2020 o’quv yilida 390 nafar akademik litseyga qabul kvotalari ajratilgan bo’lsa, 2020-2021 o’quv yiliga kelib 208 nafarni tashkil etdi.

2019-2020 o’quv yilida o’quvchilarning oliy o’quv yurtlariga kirish kontingenti 55.7% bo’lgan bo’lsa, 2020-2021 o’quv yilida 80% yetkazildi. Maktablarning 9-sinf iqtidorli bitiruvchilarini SamDCHTI akademik litseyiga qamrab olish darajasini yanada oshirish maqsadida SamDCHTI akademik litseyida bugungi kunda dastlabki saralab olish imtihonlari tashkil etilib kelinmoqda va shu bilan bir qatorda akademik litseyda iqtidorli o’quvchilarni saralab olish zaxirasi shakllantirilmoqda.

Alohida ta’kidlash joiz, litseyimizda bir qator xorijlik mutaxassislar ham faoliyat ko’rsatib kelmoqda. Bular Anton Umbach, Hashim Ismail, Kim O Gyol hamda Marina Vecheslovalardir. Ushbu chet ellik professor-o’qituvchilar bilan ilg‘or dars jarayonlarini birgalikda tashkil qilish bo‘yicha tizimli ishlar amalga oshirilmoqda.

Qabul ma’lumotlari:

2020-2021 o’quv yilida SamDCHTI akademik litseyiga 7 ta ta’lim yo’nalishlari bo’yicha 208 ta qabul kvotalari ajratilgan. Amalda SamDCHTI akademik litseyiga 684 nafar o’quvchilar talabalikka qabul qilingan.

2020-2021 o’quv yilida quyidagi ta’lim yo’nalishlari bo’yicha qabul ochilgan:

Ingliz tili ta’lim yo’nalishi (qabul kvotasi 130 nafar, amalda 173 nafar), Nemis tili ta’lim yo’nalishi qabul kvotasi 13 nafar, amalda 7 nafar), Fransuz tili ta’lim yo’nalishi qabul kvotasi 13 nafar, amalda 0 nafar), Arab tili ta’lim yo’nalishi (qabul kvotasi 13 nafar, amalda 15 nafar), Xitoy tili ta’lim yo’nalishi (qabul kvotasi 13 nafar, amalda 3 nafar), Koryes tili ta’lim yo’nalishi (qabul kvotasi 13 nafar, amalda 11 nafar), Yapon tili ta’lim yo’nalishi (qabul kvotasi 13 nafar, amalda 5 nafar).

2021-2022 o’quv yilida SamDCHTI akademik litseyiga 208 nafar maktab 9-sinf iqtidorli bitiruvchilarini qabul qilish bo’yicha takliflar berilgan.  Yangi 2021-2022 o’quv yilida kadrlar iste’molchilari ehtiyojlaridan kelib chiqib, quyidagi ta’lim yo’nalishlari hamda mutaxassisliklari ochildi.

O’quv adabiyotlari va darsliklar bilan ta’minlash

Bugungi kunda o’quv jarayonining sifat va samaradorligini oshirishda darslik va o’quv adabiyotlari bilan ta’minlanganlik xolati muhim ahamiyat kasb etadi.

Akademik litseyning ARM umumiy fondi 2473 nomdagi 21966 nusxani tashkil etadi. Shundan ilmiy adabiyotlar 174 nomdagi 426 nusxani,: darsliklar 414 nomdagi 18620 nusxani, uslubiy qo’llanmalar 113 nomdagi 570 nusxani, badiiy adabiyotlar 1219 nomdagi 1551 nusxani, boshqa adabiyotlar 553 nomda 799 nusxani tashkil etadi. Jami darsliklarning 425 tasi elektronlashtirilgan.

2021 yilda 3328000 (uch million uch yuzi yigirma sakkiz ming) so’mlik 74 nomdagi 150 dona adabiyot SamDCHTI tomonidan taqdim qilingan.

O’qituvchilar va talabalar uchun turli hududlardan turib foydalanish imkoniyatini yaratish maqsadida akademik litseyning rasmiy sayti (https://arm.samdchti.al.uz/) da zaruriy ma’lumotlar doimiy tarzda yangilanib boriladi. Institut saytida (https://arm.samdchti.al.uz/) axborot resurs markazi sahifasi mavjud bo’lib, unda ARMda o’tkaziladigan tadbirlar va adabiy kechalar, yangi qabul qilingan adabiyotlar, elektron shakldagi o’quv adabiyotlar, audio va video shakldagi materiallar, jurnallar va maqolalar joylashtirilib boriladi.

Akademik litseyda barcha o’qituvchilar va o’qituvchilar uchun mutaxassisliklarida o’qitilayotgan fanlarning adabiyotlar bilan ta’minlanganlik darajasi 90,2% ni tashkil etadi.

Uzoq sharq tillari, Yaqin sharq tillari, Tarjima nazariyasy va amaliyoti, darslik va o’quv qo’llanmalar yetishmaydi. Mazkur kafedralarda o’qitiladigan fanlarning asosiy adabiyotlari xorijiy nashriyotlarda chop etilgan darsliklar hisoblanadi. Xorijiy adabiyotlarni to’g’ridan-to’g’ri harid qilish imkoni yo’qligi sababli bunday adabiyotlarga bugungi kunda ehtiyoj mavjud.

Mazkur muammoni yechish va adabiyotlar ta’minlash darajasini ko’tarish maqsadida xorijiy adabiyotlarni nashriyotlardan to’g’ridan-to’g’ri xorijiy sotib olish bo’yicha takliflar ko’rib chiqilmoqda.

Akademik litseyni optimizatsiya qilish

Samarqand davlat chet tillar instituti tomonidan akademik litsey faoliyatini 2020-2021 o’quv yilidan tubdan takomillashtirildi.

2021-yilda litsey xorijiy tillarni o’qitishga ixtisoslashtirildi. 2016 yilda litseyda asosan ingliz, nemis, fransuz tillari o’rgatilgan bo’lsa, 2020 yilda koreys, xitoy, yapon, arab tillari ham o’qitila boshlandi.

Litsey ARM fondi 63 nomdagi 450 ta o’quv va badiiy adabiyotlar bilan boyitildi. Shuningdek, institut professor-o’qituvchilari tomonidan akademik litsey o’quvchilari uchun xorijiy tillarni o’qitishga muljallangan o’quv va o’quv-uslubiy qo’llanmalar nashr etib kelinmoqda.

2020-2021 o’quv yilida o’quvchilar o’rtasida tanlov e’lon qilinib, eng iqtidorli a’lochi o’quvchilardan 35 nafariga, ulardan 10 nafari “Akademik litseyimiz iftixori” stipendiyasiga, 25 nafari esa “Rektor stipendiyasi”ga tavsiya etildi.

Litseyda pedagog xodimlarning mehnatini munosib rag’batlantirish maqsadida o’quvchilari viloyat va respublika olimpiadalarida sovrinli o’rinlarni egallagan va oliy ta’lim muassasalariga 70% dan yuqori ko’rsatkichga ega bo’lgan pedagog xodimlarning 10 nafariga institutning byudjetdan tashkari mablaglari hisobidan 30% gacha ustama belgilandi.

Undan tashqari akademik litseyimizga optik tolali internet tizimini o‘rnatdik va o‘quv mashg‘ulotlarida foydalanish uchun zamonaviy talablarga mos 41 343 821 million so‘mlik 20 ta kompyuter, 13 504 202 million so‘mlik 6 ta televizor, 36 179 000 million so‘mlik 10 dona proektor va yangidan yangi 200 dan ortiq o‘quv adabiyotlarini tuhfa etdik. Shuningdek, o’quvchilar bo’sh vaqtlarini mazmunli o’tkazishlari uchun jami 49 million so‘mlik 22 turdagi sport jihozlari va  9 turdagi musiqa asboplari bilan ta’minlandi.

Talabalarni talabalar turar joyi bilan ta’minlash:

Akademik litsey hududida Talabalar turar joyi mavjud emas, ammo akademik litsey uchun Samarqand davlat chet tillar instituti tomonidan Institut binosidan 100 o’rinli joy ajratilgan.