O‘zbekiston Respublikasi Prezidenti Shavkat Mirziyoyev tomonidan  2018-yil 12-may kuni     «Buyuk    allomalar, adib va mutafakkirlarimiz ijodiy    merosini    keng o‘rganish va targ‘ib qilish maqsadida yoshlar o‘rtasida kitobxonlik tanlovlarini tashkil etish to‘g‘risida»gi qaror imzolandi.  Shu qaror ijrosini taʼminlash maqsadida   SamDChTI  akademik litseyida ham  “Yosh kitobxon”  koʻrik  tanlov  oʻtkaziladi.

Tanlovda ishtirok etadigan jamoalar:

1 bosqich oʻquvchilar  jamoasi

2 bosqich oʻquvchilar  jamoasi

Litsey oʻqituvchilar jamoasi

( Jamoada   6 ta aʼzo boʻlib, saralash asosida qabul qilinadi)

 1- bosqich 10- fevraldan  boshlanadi . Belgilangan asarlarni oʻqish.

  1."O‘tkan kunlar" A. Qodiriy

 2."Kecha va kunduz" A. Cho‘lpon

 3."Ikki eshik orasi" O‘. Hoshimov

 4."Yulduzli tunlar" P. Qodirov

 5."Jimjitlik" S. Ahmad

 6."Chinor" A. Muxtor

 7.Jaziramadagi odamlar" L. Bo‘rixon

 8."Dunyoning ishlari" O‘. Hoshimov

 9. "Molxona" Jorj Oruell

 10."Hayotga muhabbat" Jek London

 2-bosqich  14-mart  kuni  bo’lib  o’tadi.

 1-shart.   Badiiy asarlar bo’yicha test  savollarini  bajarish – 40 ball

 2-shart. Zakovat  sinovi (Ushbu shartda biror asardagi syujetga oid ma’lumot o‘qib eshittiriladi). 

Ishtirokchidan ushbu asar nomini topishi hamda uning mazmun-mohiyati, bosh  g‘oyasi va ahamiyati to‘g‘risida qisqacha sharhlab berishi so‘raladi. Sharhlash jarayonida  ishtirokchining bilimini tekshirish maqsadida hakamlar hay’ati tomonidan  qo‘shimcha savollar berilishi mumkin) -20 ball

 3-shart.   Sirli raqamlar ( raqam orqasiga badiiy asarlar nomi   yashirilgan boʻladi. Ishtirokchilar  xohlagan raqamini  tanlashadi va oʻziga tushgan asar haqida 3 daqiqa davomida asarning mazmun mohiyati toʻgʻrisida umumiy maʼlumot berishi shart) -20 ball

 4-shart.   Menga eng yoqqan asar. ( Mavzu, gʻoya,  boshqalarga oʻqishga tavsiya etish sababi) -20 ball

 “Yosh kitobxon”  tanlovida gʻolib boʻlgan ishtirokchilar  SamDChTI  akademik litsey  direktori tomonidan ragʻbatlantiriladi.

1-oʻrin uchun   500 ming   soʻm  pul  mukofoti.

 2- oʻrin uchun  300 ming   soʻm pul  mukofoti.

  3- oʻrin  uchun  200 ming  soʻm pul  mukofoti.